პირველი ავტოგადაზიდვა ჩინეთიდან საქართველოში

საქართველო ისტორიულ როლს იბრუნებს. შუა დერეფნის პროექტში ჩვენი ქვეყნის სატრანზიტო პოტენციალი იზრდება - ჩინეთიდან წამოსული ტვირთი საავტომობილო გზით ჩვენს ქვეყანაში პირველად შემოვიდა. თუ მანამდე ევროპის მიმართულებით გადაზიდვები საზღვაო და სარკინიგზო გზებით ხორციელდებოდა, ახლა ახალი მარშრუტი გაჩნდა, რომელიც გადაზიდვის დროს მკვეთრად ამცირებს. ჩინეთიდან საქართველომდე ტვირთმა დაახლოებით ორ კვირაში ჩამოაღწია. გზის დატესტვა და ტვირთის ავტოტრანსპორტით პირველად გადაზიდვის საცდელი რეისი წარმატებული აღმოჩნდა. შემდგომი გეგმა ტვირთის თურქეთში და მოგვიანებით უკვე ევროპის ქვეყნებში გატანაა. ჩინეთთან დაკავშირებით კიდევ ერთი სიახლეა. საქართველოს მოქალაქეებს დღეიდან სიდიდით მეორე ეკონომიკის ქვეყანაში უვიზოდ ჩასვლა შეუძლიათ.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.