„თბილისი ენერჯის“ აბონენტებისთვის ტარიფი გაიზარდა

პანდემია და გაუფასურებული ლარი გაზის ტარიფზეც აისახა. პირველი ივნისიდან ბუნებრივი აირი ძვირდება. ერთ კუბურ მეტრში მოქალაქეებს შვიდი თეთრით მეტის გადახდა მოუწევთ. კომპანია „თბილისი ენერჯი“ სემეკ-ში ტარიფის გადახედვის მოთხოვნით წარდგენილ მიმართვას ეროვნული ვალუტის კურსის ვარდნით ხსნის და კურსთა შორის სხვაობის გამო მიყენებულ სოლიდურ ფინანსურ ზარალზე საუბრობს. გადაწყვეტილების სამართლებრივი საფუძვლების არსებობაზე მიუთითებს ენერგეტიკის მარეგულირებელი კომისიაც. სემეკ-ში განმარტავენ, რომ 2019 წლის დეკემბერში დადგენილი ტარიფი 2.97-იანი კურსის მიხედვით იყო განსაზღვრული. ლარის კურსის დასტაბილურების და გამყარების გაგრძელების შემთხვევაში კომისია ტარიფის გადახედვას არ გამორიცხავს.

ეწვიეთ ჩვენს საიტს - https://1tv.ge/
მოიწონეთ ჩვენი გვერდი - https://bit.ly/2WZv1qY
გამოიწერეთ ჩვენი არხი -    / georgianpb  
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.