ელექტრო ველოსიპედის მადლი - კოსტავას ქუჩის აღმართის ავლა.

1 კვირაა უკვე რაც ჩემი სამთო ველოსიპედი ელექტროდ გადაკეთდა. 3 ივლისს დავთანხმდი შემოთავაზებას. 15 დღეში, 18 ივლისს გამზადებული გამოვიყვანე @voltobike -დან. ჩვეულებრივ ველოსთან შედარებით 2-3-ჯერ სწრაფად ვმოძრაობ, თან ნაკლები დატვირთვით მუხლებზე. ადგილიდან სწრაფად იძვრება და მანქანებთან აღარ ტეხავს შუქნიშანზე დგომა. მარცხნივ შეხვევის პრობლემაც ბევრგან მოიხსნა იმიტომ, რომ ნაკადის სიჩქარით ვმოძრაობ და აჩქარებითაც სწრაფად ჩქარდება და უკან მომავალს არ ვაფერხებ. აღმართები ცალკე თემაა. წავკისში საათი და ორმოცი წუთის ნაცვლად 40-50 წუთში ავდივარ ზაფხულის ცხელ დღეებში გაოფლიანების გარეშე. მოკლედ, კარგი რამეა და ძალიან ვემადლიერები მიხაილოს. არც ფეისბუკში და არც იუტუბზე ჯერ იმდენი გამომწერი არ მყავს, რომ ღირდეს რეკლამის გულისთვის ასეთი საჩუქრის გაკეთება ჩემთვის - კონფიგურაცია, რომელიც ეხლა ჩემს ველოზე აყენია, ორკვირიან ვადაში 1500 ლარი ჯდება. თუ ვინმეს სურვილი გექნებათ თქვენი ველოს ელექტროდ გადაკეთებაზე, ვადებზე და პირობებზე შეგიძლიათ პირადად მოელაპარაკოთ. რომ დაუკავშირდებით, გამოიყენეთ პრომო კოდი "velo blogi" და მიიღებთ 10%-იან ფასდაკლებას. ძრავის სიმძლავრეა 250 ვატი; აკუმულატორი თბილისის რელიეფის გათვალისწინებით (თავისუფლების მოედნიდან წავკისამდე 8 კილომეტრი უწყვეტი აღმართის ჩათვლით) მყოფნის 35-38 კილომეტრზე. სრულ დამუხტავას ვანდომებ 6-7 საათს. 3-4 საათში საკმარისად იმუხტება საიმისოდ, რომ თბილისის ცენტრალურ უბნებში 18 კილომეტრი გავიარო ბოლომდე ჩაჭერილი გაზით. ვრცელი მიმოხილვის ვიდეოს ვამზადებ და იუტუბზე აუცილებლად ავტვირთავ. მანამდე პატარა მონაკვეთი ნახეთ, კოსტავას ქუჩის აღმართზე როგორ არბის 30 კმ/სთმდე სიჩქარით. © ველობლოგი Volto Bike ➜   / voltobike   My favorites list at Amazon ➜ https://www.amazon.com/shop/aragviani Blog ➜ https://mobilisinmobilige.blogspot.com/ Instagram ➜   / veloblogi   telegram ➜ https://t.me/veloblogi facebook ➜   / mobilisinmobilige   #ველობლოგი #cycling