შემთხვევა დევნილთა დასახლებაში

თბილისის ზღვის მიმდებარედ, ყოფილ სანატორიუმ „ქართლთან“ მომხდარი ტრაგედიის შემდეგ, ხმაური იყო. ადგილობრივების ინფორმაციით, სანატორიუმში მცხოვრები ერთ-ერთი დევნილი კაცი საცხოვრებელი ბინიდან გადმოხტა და გარდაიცვალა.  შემთხვევის ადგილზე კორპუსში მცხოვრები დევნილები შეიკრიბნენ. მათი შეკრება აქციაში გადაიზარდა. ადგილობრივებს უჭირთ მიზეზებზე საუბარი, თუმცა მათი ნაწილი  ამბობს, რომ სანატორიუმში გაუსაძლისი საცხოვრებელი პირობებია და აქ მაცხოვრებლები დიდი ხანია უშედეგოდ ითხოვენ ამ პირობების გაუმჯობესებას. ადგილზე მობილიზებული იყვნენ  სამართალდამცველები და ექსპერტ-კრიმინალისტები. მათსა და მოქალაქეებს შორის რამდენჯერმე სიტყვიერი დაპირისპირება მოხდა. აქციის მონაწილეებმა პროტესტის ნიშნად სანატორიუმამდე მისასვლელი გზა ავტომანქანით გადაკეტეს. ადგილობრივები ალტერნატიული ფართების გამოყოფას ითხოვენ. მათი განცხადებით, კორპუსი, რომელშიც ისინი ცხოვრობენ, ავარიულია და საფრთხე ყოველდღიურად იმატებს. “შინაგან საქმეთა სამინისტრომ ფაქტზე საქმე სისხლის სამართლის 115-ე მუხლით აღძრა, რაც თვითმკვლელობამდე მიყვანას გულისხმობს. ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო მწუხარებას გამოთქვამს ნაძალადევის რაიონში, ყოფილ სანატორიუმ „ქართლში“ მომხდარ უბედურ შემთხვევასთან დაკავშირებით. სამინისტროში აცხადებენ, რომ ეკომიგრანტთა და საარსებო წყაროებით უზრუნველყოფის სააგენტომ, ამ შენობაში მცხოვრებ ოჯახებზე გასცა ადმინისტრაციული დაპირება და განსახლების ორი გზა შესთავაზა. სამინისტროს გადაწყვეტილებით, ყოფილ სანატორიუმ „ქართლში“ მცხოვრები დევნილები, ახალ საცხოვრებელ ფართებს 2022 წელს უპირობოდ მიიღებენ“, – ნათქვამია განცხადებაში. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.