#არჩევნები2020 „ნაციონალური მოძრაობის“ განცხადება

ზუგდიდის 67-ე საარჩევნო ოლქის რამდენიმე უბანზე გადასატანი ყუთის სიებში „ქართული ოცნების“ მხარდამჭერების არსებობაზე საუბრობს „ერთიანი ნაციონალური მოძრაობა“. პარტიის ზუგდიდის ორგანიზაციის თავმჯდომარე და საარჩევნო შტაბის ხელმძღვანელი, ანი წითლიძე აცხადებს, რომ მათ ჯანმრთელობის პრობლემები არ აქვთ და არ უნდა იყვნენ გადასატანი ყუთის სიაში. მისივე მტკიცებით საუბნო კომისიებში გადასატანი ყუთების სიებში ჩაწერაზე უარი უთხრეს ოპოზიციურად განწყობილ მოქალაქეებს. საკითხზე განცხადება ზუგდიდის 67-ე საოლქო საარჩევნო კომისიაში უკვე შევიდა. კომისიის თავმჯდომარის, მირანდა მესხის ინფორმაციით, გადასატანი ყუთების სიების ფორმირება 28 ოქტომბერს სრულდება. სიებს საუბნო საარჩევნო კომისიები ეტაპობრივად ამოწმებენ და საბოლოო დასკვნას საოლქო კომისია გააკეთებს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.