დავით ნაფეტვარიძეს თავს დაესხნენ

„ევროპული საქართველოს“ წევრი დავით ნაფეტვარიძე „ევექსის“ კლინიკაში ამ დრომდე ექიმების მეთვალყურეობის ქვეშ რჩება. მის ჯანმრთელობას საფრთხე აღარ ემუქრება. ჯერჯერობით უცნობია, როდის დაიკითხება იგი გუშინდელ ინციდენტთან დაკავშირებით. „ევროპული საქართველოს“ წევრს, უცნობმა პირმა თავში ქვა იმ დროს  ჩაარტყა, როდესაც მეუღლესთან ერთად ძველი იპოდრომის ტერიტორიაზე იმყოფებოდა. მისი და მისი მეუღლის ინფორმაციით,  დაზარალებული თავდამსხმელს არ იცნობს და არც თავდასხმის მოტივია ცნობილი. შინაგან საქმეთა სამინისტროში საქმე სისხლის სამართლის კოდექსის 118–ე მუხლით მიმდინარეობს, რაც ჯანმრთელობის განზრახ ნაკლებად მძიმე დაზიანებას გულისხმობს. სამართალდამცველებმა თავდამსხმელი შემთხვევის ადგილზე დააკავეს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.