2 ივნისის აქციის საორგანიზაციო ჯგუფის პრესკონფერენცია

15.05.2013 / პრაიმ ტაიმის პრეს კლუბი. 2.06 აქციის საორგანიზაციო ჯგუფის წევრები: დავით სუბელიანი, ვახტანგ მოსიაშვილი, ლექსო მაჭავარიანი, ანინა ტეფნაძე, დავით კოვზირიძე, ირაკლი საღინაძე, მაგდა გურული, მიშა მშვილდაძე, ქეთა გაბუნია, ალექსანდრე ბაგრატიონ--დავითაშვილი. 2 ივნისს 16:00 საათზე, თბილისში, რუსთაველის გამზირზე, ყოფილი პარლამენტის შენობის წინ ჩატარდება აქცია მარიხუანას დეკრიმინალიზაციის მოთხოვნით: http://on.fb.me/10zyJRQ 1. ჩვენი მიზანია პიროვნული თავისუფლების დაცვა და არა მარიხუანას პოპულარიზაცია. 2. მარიხუანას მოხმარება შეიძლება არ არის სასურველი, მაგრამ 21--ე საუკუნეში მისი მოხმარების გამო სახელმწიფოს მხრიდან ადამიანების დევნა ცივილიზებული საზოგადოებისთვის მიუღებელია. 3. ჩვენ ვთვლით, რომ საჭიროა მოხდეს ნარკოტიკების კატეგორიზაცია - მარიხუანა უნდა გამოეყოს იმ ნარკოტიკებს, რომელთა მოხმარებისთვისაც გათვალისწინებულია სისხლის სამართლებრივი დევნა და მოხდეს მისი მოხმარების დეკრიმინალიზაცია. მარიხუანას მოხმარებისთვის გონივრული ოდენობის ადმინისტრაციული ჯარიმა დაწესდეს მხოლოდ საზოგადოებრივი თავშეყრის ადგილებში მოხმარების გამო.