მოლაპარაკებები საზღვრების გახსნის აღდგენაზე

უახლოეს დღეებში უნდა გაირკვეს, ევროკავშირის რომელ ქვეყნებთან და რა პირობებით აღდგება საქართველოდან ავიამიმოსვლა. ევროკავშირის საბჭოს უსაფრთხო ქვეყნების სიაში მოხვედრის შემდეგ ის წესები და რეჟიმი ზუსტდება, რომელთა დაცვა საქართველოდან გამგზავრებული და აქ ჩამოსული მოქალაქეებისთვის სავალდებულო იქნება. ორმხრივი მოლაპარაკებების ფონზე უკვე გამოკვეთილია რამდენიმე ქვეყანა, რომელთათვის საზღვრები, სავარაუდოდ, პირველ აგვისტოზე ადრე გაიხსნება. თუმცა, ევროპის ქვეყნების ნაწილი საზღვრების გახსნას თავად არ ჩქარობს. ავსტრიის და ჩეხეთის შემდეგ ევროკავშირის არაწევრი ქვეყნებისთვის სასაზღვრო შეზღუდვების მოხსნისგან ამ ეტაპზე თავს იკავებს შვედეთიც. რეგულარული ფრენების დაწყებამდე ევროპაში მყოფ საქართველოს მოქალაქეებს სახელმწიფოს მიერ სუბსიდირებული ჩარტერული რეისებით ჩამოიყვანენ, რომლებსაც რამდენიმე ავიაკომპანია შეასრულებს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.