„არტ ჰოლის“ აღსაზრდელებს პატრონაჟს კულტურის სამინისტრო გაუწევს

3 დეკემბერს, საქართველოს კულტურისა და ძეგლთა დაცვის მინისტრი მიხეილ გიორგაძე მიხეილ თუმანიშვილის სახელობის თეატრში, განახლებული სპექტაკლის, „ჰელადოსის" პრემიერას დაესწრო. სპექტაკლის რეჟისორი გოგა პიპინაშვილია და მასში სტუდია „ართ-ჰოლის" მსახიობებთან ერთად, ცნობილი მსახიობები ნანა შონია და თემო გვალია მონაწილეობდნენ. სპექტაკლის დასრულების შემდეგ, კულტურისა და ძეგლთა დაცვის მინისტრმა საკუთარი ინიციატივა გააჟღერა - მიხეილ გიორგაძის გადაწყვეტილებით, კულტურისა და ძეგლთა დაცვის სამინისტრო იღებს პასუხისმგებლობას, პატრონაჟი გაუწიოს ხელოვნების საყმაწვილო ცენტრის "ართ–ჰოლის" აღსაზრდელებს. მოზარდების სხვადასხვა კულტურულ აქტივობებში ჩართვისა და მათი საზოგადოებაში ინტეგრირების მიზნით, დაიგეგმება "ართ–ჰოლის" აღსაზრდელებისთვის ექსკურსიები, შეხვედრები მწერლებთან, მსახიობებთან, მომღერლებთან; მათი სპექტაკლების სხვადასხვა რეგიონებში გამართვა და ქვეყნის ფარგლებს გარეთ გატანა. მათთვის ხელმისაწვდომი იქნება სამინისტროს მიერ გამოცემული წიგნები და კატალოგები. პროექტი დიდ როლს შეასრულებს ახალგაზრდა თაობის აღზრდასა და განვითარებაში. http://www.culture.gov.ge/   / culturegovge   http://twitter.com/#!/CULTUREgovge    / culturegovge   http://www.flickr.com/photos/cultureg... http://www.myvideo.ge/?user_id=855045