ვითარება დავით გარეჯში

საზოგადოება განსაკუთრებული ყურადღებით ელოდება ბაქოში მიმდინარე შეხვედრის დასრულებას. სწორედ აზერბაიჯანში დაწყებულ მოლაპარაკებებზეა დამოკიდებული, როგორ გადაწყდება მომავალში ორ ქვეყანას შორის წლების განმავლობაში სადავო საზღვრის საკითხი. მრავალწლიანი პაუზის შემდეგ შეკრებილი ორმხრივი სამთავრობო კომისია მსჯელობს დავით გარეჯის სამონასტრო კომპლექსზეც, რომლის ერთი ნაწილი სწორედ სადავო სასაზღვრო ზონაშია. ერთ-ერთი საკითხი, რომელიც ქართულმა მხარემ ბაქოში დააყენა, კომპლექსის მიმდებარე ტერიტორიაზე დაწყებული სამუშაოებია. გავრცელებული ინფორმაციით, აზერბაიჯანელ მესაზღვრეებს ჩიჩხიტურის კოშკის მიმართულებით გზა გაჰყავთ. არსებობს შესაბამისი ფოტო-ვიდეო მასალაც. საზღვრის დელიმიტაცია-დემარკაციის მიზნით, თავიდან დაკომპლექტებულმა 20-კაციანმა ორმხრივმა კომისიამ, საზღვრის ერთი მესამედის საკითხი უნდა გადაწყვიტოს, რომელიც წლებია სადავოა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.