შეხვედრა მთავრობის ადმინისტრაციაში

უწყებათაშორისმა კომისიამ საპენსიო სესხების საკითხზე მსჯელობა დაასრულა. შემუშავდა საკონკურსო პირობები, რომლის მიხედვით საპენსიო სესხის პროცენტი არ იქნება 26%-ზე მეტი. განხილვაში მმართველი გუნდის, ოპოზიციის, ეროვნული ბანკისა და არასამთავრობო ორგანიზაციების წარმომადგენლები იღებდნენ მონაწილეობას. მათი თქმით, აქვთ მოლოდინი, რომ კონკურენციის გაზრდის პირობებში, პროცენტი კიდევ უფრო შემცირდება. ირაკლი ზარქუას განცხადებით, სახელმწიფო პენსიის გამცემ გამარჯვებულ ბანკს ყოველწლიურად გადაუხდის 15 მილიონ ლარს. კომისიის სხვა წევრების თქმით, ეს არის ე.წ. პენსიის დარიგების ფული და ეს იქნება ერთგვარი სუბსიდირება სახელმწიფოს მხრიდან, რომ საპროცენტო განაკვეთი შემცირდეს. ახალი პირობებით კონკურსში მონაწილეობის სურვილი ამ ეტაპზე ორმა კომერციულმა ბანკმა, „ლიბერთიმ“ და „საქართველომ“ გამოთქვა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.