აშშ-საქართველო - თავისუფალი ვაჭრობის შეთანხმება

მორიგი მნიშვნელოვანი გზავნილი ვაშინგტონიდან. საქართველო-ამერიკას შორის თავისუფალი ვაჭრობის შეთანხმების ხელმოწერის საკითხი კიდევ უფრო აქტიურდება. კონგრესმენი ტედ პო აშშ-ის სავაჭრო წარმომადგენელს მიმართავს და სთხოვს, ჩვენს ქვეყანასთან თავისუფალი ვაჭრობის ხელშეკრულების გაფორმების საკითხი განიხილოს. კონგრესში საქართველოს მეგობართა ჯგუფის თავმჯდომარე წერილში იმ სარგებელზე მიუთითებს, რომელიც სტრატეგიულ პარტნიორებს შორის სავაჭრო ბარიერების გაუქმებას მოჰყვება. კონგრესმენი პოლიტიკური და ეკონომიკური რეფორმების კუთხით საქართველოს პროგრესსაც უსვამს ხაზს. საქართველო-ამერიკას შორის თავისუფალი სავაჭრო ხელშეკრულების გასაფორმებლად მოლაპარაკებების დაწყების საკითხს ქართული მხარე ამერიკელ პარტნიორებთან თითქმის ყველა შეხვედრაზე აყენებს. კონგრესმენის წერილმა ოფიციალურ თბილისს პროცესის დაჩქარების იმედი მისცა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.