ავთანდილ წერეთელს 500 000-ლარიანი გირაო შეეფარდა

სწორედ ხაზარაძე-ჯაფარიძის საქმის ერთ-ერთ ფიგურანტს, დღეს, სასამართლომ გირაოს სახით 500 000 ლარის გადახდა დააკისრა. ავთანდილ წერეთელი წაყენებულ ბრალდებას მისი შვილის საკუთრებაში არსებულ ტელე-კომპანია ,,ტვ პირველს” უკავშირებს და გირაოს თანხის გადახდას არ აპირებს. საქმის პოლიტიკურ მოტივებზე მიუთითებს ბრალდებულის შვილიც. გამოძიება ბიზნესმენს 11-ი წლის წინ განხორციელებულ საბანკო ტრანზაქციაში მონაწილეობას ედავება და ფიქრობს, რომ ხაზარაძე-ჯაფარიძეს 17 მილიონამდე ლარის ლეგალიზებაში ავთანდილ წერეთელიც ეხმარებოდა. გამოძიების მიხედვით, სწორედ წერეთლის საკუთრებაში არსებულ კომპანია ,,სამგორი ემ-სა” და ,,სამგორი თრეიდზე” გაიცა 2008 წელს სესხის სახით თანხა, რომელიც მალევე კვლავ ხაზარაძე-ჯაფარიძემ ისესხა, საბოლოოდ კი მილიონები ორივე მსესხებელ კომპანიას ჩამოეწერა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.