ჯაზი საზღვრებს გარეშე

საქართველოს კულტურისა და ძეგლთა დაცვის სამინისტროსა და თბილისის ვანო სარაჯიშვილის სახელობის სახელმწიფო კონსერვატორიის ეგიდით საქართველოს მასშტაბით ხორციელდება პროექტი „ჯაზის სალექციო ტურნე საქართველოში". ჯაზ-ანსამბლი თამაზ ყურაშვილის, ზურა რამიშვილის, რეზო კიკნაძის, ლევან კემულარიასა და ზაზა ცერცვაძის შემადგენლობით, განაგრძობს საქართველოს სხვადასხვა კუთხეში, ქალაქებსა და სოფლებში კონცერტებით მოგზაურობას. პროექტის ძირითადი მიზანია ჯაზის პოპულარიზაცია საქართველოს რეგიონებში, იქ სადაც მსმენელი არათუ განებივრებულია მე-20 საუკუნის ამ უნიკალური მუსიკალური ხელოვნებით, არამედ ხშირ შემთხვევაში საერთოდ არ იცნობს ამ ჟანრს. პროექტს წარმოადგენს საქართველოს კულტურისა და ძეგლთა დაცვის სამინისტრო, რომელიც ფინანსურ მხარდაჭერასთან ერთად, უზრუნველყოფს მუსიკოსების ტექნიკურ აღჭურვილობას; პროექტის მედია პარტნიორია საზოგადოებრივი მაუწყებლის დოკუმენტური ფილმების სტუდია. http://www.mcs.gov.ge http://www.facebook.com/culturegovge http://twitter.com/#!/CULTUREgovge    / culturegovge   http://www.flickr.com/photos/cultureg... http://www.myvideo.ge/?user_id=855045