ეპიდემიური ვითარება და ვაქცინაციის პროცესი

საქართველოში ბოლო 24 საათში კორონავირუსის 2 661 ახალი შემთხვევა გამოვლინდა, 30 პაციენტი კი გარდაიცვალა. 7,22 %-ს შეადგენს ქვეყანაში კორონავირუსის გამოვლენის დადებითობის დღიური მაჩვენებელი. ქვეყანაში ვაქცინაციის ტემპების შემცირებასთან ერთად, უარესდება ინფიცირებულთა დღიური მაჩვენებლებიც. უკვე მეოთხე დღეა, ქვეყანაში დადასტურებული შემთხვევების რაოდენობა 2 000-ს აჭარბებს, დღიურად ჩატარებული აცრებისა კი 9000-ს არ აღემატება, რაც ეპიდემიოლოგებს პოზიტიური პროგნოზის გაკეთების შესაძლებლობას არ აძლევს და ვარაუდობენ, რომ თუ ასე გაგრძელდება, შესაძლოა, ქვეყანას მძიმე შემოდგომა და ზამთარი დაუდგეს. პარალელურად, უახლოეს დღეებში ქვეყანაში 50 წელს გადაცილებული პირების ბუსტერ დოზებით ვაქცინაცია უნდა დაიწყოს. მესამე დოზის გაკეთების შესაძლებლობა ექნებათ 16-დან 49 წლამდე ქრონიკული დაავადებების მქონე პირებსაც. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.