გია ჟორჟოლიანის გადაწყვეტილება

04.03.2019 01:36

პირველი არხი Georgian Public Broadcaster

არხი

საქართველოს პარლამენტში პოლიტიკური კონფიგურაცია შეიცვალა. პარტია „ევროპულმა საქართველომ“ საპარლამენტო უმცირესობის სტატუსი დაკარგა. უმრავლესობა დღეს კიდევ ორმა დეპუტატმა დატოვა. ესენი არიან გია ჟორჟოლიანი და მირიან წიკლაური. „სოციალ-დემოკრატები“ ფრაქცია „პატრიოტთა ალიანსს“ უერთდებიან და როგორც ჟორჟოლიანი აცხადებს, დღეიდან ეს ფრაქცია ახალი სახელით გააგრძელებს ფუნქციონირებას. უმრავლესობიდან კიდევ ორი დეპუტატის გასვლით შეიცვალა ბალანსი. უმრავლესობის გარეთ უკვე 21 დეპუტატია, შესაბამისად, „ევროპული საქართველო“, სადაც 20 წევრია, კარგავს საპარლამენტო უმცირესობის სტატუსს. შეინარჩუნებს თუ არა ოპოზიცია უმცირესობის სტატუსს, ეს მას შემდეგ გაირკვევა, რაც „ევროპული საქართველო“ და „ნაციონალური მოძრაობა“ საკითხზე კონსულტაციებს გამართავენ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - / 1stchannel გამოიწერეთ ჩვენი არხი - / georgianpb ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.

გაზიარება: