შემაჯამებელი საინფორმაციო შეხვედრა თავდაცვის სამინისტროში

თავდაცვის სამინისტროს „არმიჰოლში“ ნატო-საქართველოს არსებითი პაკეტის ფარგლებში მიღწეული წარმატებებისა და განხორციელებული აქტივობების შესახებ საინფორმაციო ბრიფინგი გაიმართა. შეხვედრას თავდაცვის უწყების ხელმძღვანელი პირები, ნატო-ს წევრი ქვეყნების დიპლომატიური კორპუსისა და ნატო-ს ძირითადი ჯგუფის წარმომადგენლები ესწრებოდნენ. საერთაშორისო პარტნიორებს სიტყვით თავდაცვის მინისტრის პირველმა მოადგილემ მიმართა და ნატო-სთან თავსებადობის გაზრდისა და დაახლოების გზაზე ჩვენი ქვეყნის მტკიცე მხარდაჭერისთვის მადლობა გადაუხადა. ნატო-ს ძირითადი ჯგუფის ლიდერმა და არსებითი პაკეტის განხორციელების სამმართველოს უფროსმა, სტუმრებს უკვე განხორციელებული მნიშვნელოვანი პროექტები და სამომავლო გეგმებიც გააცნეს.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.