გუგლს და ისტორიას დარჩა კალაძის კარგი ფოტოები და ყელყელაობა - ხებეიშვილის ბარლდება კალაძეს

(ახალი ამბები 30.05.2019) ლევან ხაბეიშვილი დედაქალაქის მერს 759 000 ლარის გაფლანგვაში ადანაშაულებს. საკრებულოს ნაციონალური მოძრაობის წევრი თბილისის მერიის მიერ საბიუჯეტო თანხის მორიგ ფლანგვასა და კორუფციაზე საუბრობს. ლევან ხაბეიშვილის თქმით, მერიამ კომპანია ”ტაოს” ბუშის ქუჩის მიმდებარე ტერიტორიის მოსაწყობად თანხა გადაუხადა. ხაბეიშვილის თქმითვე, კომპანიას დაკისრებული ვალდებულება ჯერ კიდევ მარტში უნდა შეესრულებინა, თუმცა სამუშაოები ამ დრომდე დაუსრულებელი და მიტოვებულია. ხაბეიშვილი ამბობს, რომ ვადები დარღვეულია და ეს თანხა წყალში გადაყრილია. „კალაძე მოვიდა, იპოზიორა, ბევრი ფოტო გადაიღო და მოყვა, წალკოტი და ოაზისი იქნება აქო. 5 თვის თავზე მოდიხარ და ნაფრონტალს გავს აქაურობა. კალაძე უბრალოდ პოზირებს ხოლმე, რეალობაში საქმეს აფინაჩებს, კარგ ფოტოებს იღებს, კარგ ბანერებს გამოკიდებს ხოლმე, მაგრამ მერე ვხედავთ, რომ ხალხის ფული შეიჭამა. გუგლს და ისტორიას დარჩა კალაძის კარგი ფოტოები და ყელყელაობა - ვაიმე, რა მაგარი ოაზისი იქნება აქო, მეტი არაფერი. მოვიდეს ეხლა აქ, სელფვიდეოთი და ჩაწეროს, 759 000 ლარი სად გაქრა. სად წავიდა და გადავიხადეთ კალაძის პრანჭიაობაში, ფოტოსურათებში, ნახევარი კალაძის ჯიბეში წავიდა და ალბათ მის საძმაკაცოსთან“ - აცხადებს თბილისის საკრებულოს დეპუტატი „ნაციონალური მოძრაობიდან“ ლევან ხავეიშვილი. გამოიწერეთ ჩვენი არხი და იყავით აქტუალური მოვლენების ეპიცენტრში: https://goo.gl/anfTFi