ბოლტონის ვიზიტის შესახებ გავრცელებული დეზინფორმაცია

აქტუალობას არ კარგავს თბილისში დონალდ ტრამპის მრჩევლის, ჯონ ბოლტონის ვიზიტის შემდეგ გავრცელებული დეზინფორმაცია. რამდენიმე დღის წინ შექმნილ ინტერნეტგვერდზე გავრცელებულ ყალბ ინფორმაციას ამჯერად აშშ-ის საელჩოდან ეხმაურებიან. საქმე ეხება ავტორის მითითების გარეშე გამოქვეყნებულ სტატიას, რომლის მიხედვით საქართველოში ჩამოსულმა მაღალი რანგის სტუმარმა ხელისუფლების წარმომადგენლები გააფრთხილა, ამერიკისგან 75 მილიონ დოლარად შეძენილი ანტისატანკო სისტემები - ჯაველინები რუსეთს არ გადასცეს. ინფორმაცია ყველა ოფიციალურ დონეზე კატეგორიულად უარყვეს. საინტერესოა, რომ 22 ოქტომბერს დარეგისტრირებულ საიტს, რომელმაც სტატია გამოაქვეყნა, ადმინისტრატორიც კი არ ჰყავს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.