დაუნის სინდრომის მსოფლიო დღე

შეზღუდული შესაძლებლობის მქონე ბავშვთა და მშობელთათვის, პირველი საინფორმაციო ცენტრი გაიხსნა. ფსიქო-ემოციური მხარდაჭერის ცენტრის ცხელი ხაზი  დაუნის სინდრომის მქონე ადამინების მშობლებს, ასევე მათ მინდობით აღმზრდელებს და სხვა დაინტერესებულ პირებს მოემსახურება და ქვეყანაში მოქმედი სერვისების შესახებ ყველა საჭირო ინფორმაციას მიაწვდის. კვირაში ორჯერ კი, მშობლებისათვის სპეციალური შეხვედრები მოეწყობა. ცენტრი საქართველოს დაუნის სინდრომის ასოციაციის ინიციატივით და ფონდ „ღია საზოგადოება - საქართველოს“ ფინანსური მხარდაჭერით შეიქმნა. პროექტი 2-წლიანია. საწყის ეტაპზე ქოლცენტრი ყაზბეგის გამზირზე, სოციალურ საწარმო „ბაბალეს“ სივრცეში განთავსდება. ორგანიზატორებს იმედი აქვთ, რომ სამომავლოდ სერვისი ჯანდაცვის სამინისტროს მხარდაჭერით მუდმივმოქმედი გახდება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.