შსს ფოთში ჩატარებული სპეცოპერაციის შედეგად, მხოლოდ სამი პირის დაკავებას ადასტურებს

შინაგან საქმეთა სამინისტრო ფოთში ჩატარებული სპეცოპერაციის შედეგად მხოლოდ სამი ადამიანის დაკავებას ადასტურებს. ადვოკატების ინფორმაციით კი, წინასწარი დაკავების იზოლატორში სულ 17-მდე პირია გადაყვანილი, რომელთაგან სამს უკვე დაკავებულის სტატუსი აქვს, 14 კი გამოკითხვაზე იმყოფება. მათ გამოძიება, სავარაუდოდ, ქურდული სამყაროს წევრობასა და ქურდულ სამყაროსთან კავშირს ედავება. ადვოკატების ინფორმაციით, მათ საცხოვრებელ სახლებში ჩხრეკა ჩატარდა, თუმცა, რაიმე კანონსაწინააღმდეგო ნივთი სამართალდამცველებს არ ამოუღიათ. ადვოკატები მათი დაცვის ქვეშ მყოფებს ამ წუთებში ხვდებიან. სპეცოპერაცია დღეს ფოთში გამთენიისას ჩატარდა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.