© https://mtisambebi.ge/ - ირი და წედისი რაჭაში, რუსეთის მიერ ოკუპირებული ცხინვალის რეგიონის მეზობელი სოფლებია. 2008 წლის ომის შემდეგ, ირიდან 3 კილომეტრში რუსეთმა საოკუპაციო ხაზი გაავლო და სოფლები ჩიხად აქცია. უძრაობამ ირი და წედისი ახალგაზრდებისგან დაცალა. ბევრი ოჯახი რუსი ოკუპანტების შიშით აიყარა და წავიდა. საოკუპაციო ხაზის ორივე მხარეს თითქმის ყველა ოჯახს ჰყავს, იქით ქართველი და აქეთ ოსი, ახლო თუ შორეული ნათესავი, მაგრამ ერთმანეთთან ურთიერთობა აღარ აქვთ.
