შატილის გზაზე ავარიისას დაღუპულების ოჯახებს სამძიმარს უცხადებენ

შატილის გზაზე მომხდარ ტრაგედიას ქვეყნის პირველი პირები ეხმაურებიან და დაღუპულთა ოჯახებს სამძიმარს უცხადებენ.  „თანავუგრძნობ დაღუპულების ოჯახებსა და ახლობლებს.” – წერს პრემიერ-მინისტრი სოციალური ქსელის საკუთარ გვერდზე.  სამძიმრის წერილს ავრცელებს საქართველოს პრეზიდენტიც – “ღრმა მწუხარებას გამოვთქვამ შატილის გზაზე მომხდარი საშინელი ტრაგედიის გამო. გულწრფელად ვუსამძიმრებ გარდაცვლილთა ოჯახებსა და ახლობლებს“, – აცხადებს სალომე ზურაბიშვილი. - „შემაძრწუნებელი ტრაგედია მოხდა სოფელ ბისოსთან. ვუსამძიმრებ ავტოსაგზაო შემთხვევის შედეგად დაღუპულთა ოჯახებსა და ახლობლებს. ეს მთელი ქვეყნისთვის დიდი დანაკარგია“ - ნათქვამია პარლამენტის თავმჯდომარის წერილში.  „საშინელმა ავტოკატასტროფამ ყველანი შეგვძრა. დუშეთის მუნიციპალიტეტში, შატილის გზაზე დატრიალებულმა ტრაგედიამ 17 ადამიანი იმსხვერპლა. მთელი საქართველო ვგლოვობთ დაღუპულებს. ვუსამძიმრებთ მათ ოჯახებს, ახლობლებს. სიტყვები უძლურია ასეთ დროს“- აცხადებს დედაქალაქის მერი კახა კალაძე საკუთარ წერილში. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.