ბრიფინგი მთავრობის ადმინისტრაციაში

გლობალური პანდემიის პირობებში საქართველო ინარჩუნებს მაკროეკონომიკურ სტაბილურობას - ქვეყანა საერთაშორისო ინვესტორებისთვის კვლავ მიმზიდველია, - ასე შეაფასეს მთავრობის წევრებმა გავლენიანი სარეიტინგო სააგენტო „ფიტჩის“ დასკვნა, რომლის მიხედვითაც სააგენტომ საქართველოს სუვერენული საკრედიტო რეიტინგი და რეიტინგის პერსპექტივა უცვლელად „ბიბი“ დონეზე დატოვა. საქართველოს მთავრობის შეფასებით, ეს არის გზავნილი ინვესტორებისთვის, რომ პოსტპანდემიურ პერიოდში საქართველო საიმედო, მშვიდობიან ბაზრად ჩათვალონ, სადაც ბიზნესის განვითარებას შეძლებენ. ეკონომიკისა და მდგრადი განვითარების მინისტრი აცხადებს, რომ საქართველოს სუვერენული საკრედიტო რეიტინგის უცვლელად დატოვება მოხდა იმ ფონზე, როდესაც პოსტსაბჭოთა სივრცეში ჩვენს რეგიონში და აღმოსავლეთ ევროპაში სხვადასხვა ქვეყანას საერთაშორისო საკრედიტო რეიტინგი დაუქვეითდა, რაც, მინისტრის შეფასებით, გასაგებია გლობალური პანდემიის ფონზე. საქართველო კი ამ თვალსაზრისით ერთ-ერთი გამონაკლისი ქვეყანაა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.