გუდაურში მომხდარი მკვლელობის საქმე

გუდაურში მომხდარი მკვლელობის საქმეს ნაფიც მსაჯულთა სასამართლო განიხილავს. პროცესები გორის რაიონულ სასამართლოში 25 მაისს დაიწყება. დაცვის მხარის განცხადებით, ნაფიც მსაჯულებზე ზეგავლენის  შესაძლებლობა ნაკლებია და არჩევანიც სწორედ ამიტომ გაკეთდა. პროკურორის  თქმით კი, საქმეში საკმარისი მტკიცებულებებია იმის დასადასტურებლად, რომ ნაფიცმა მსაჯულებმა ბრალდებული ცნონ დამნაშავედ. შეგახსენებთ, მკვლელობა გუდაურში მიმდინარე წლის თებერვალში მოხდა. მერაბ კობიაშვილს, თამაზ გორთამაზაშვილის განზრახ მკვლელობა ედება ბრალად და კიდევ ერთი პირის მკვლელობის მცდელობა. რამდენიმე დღის წინ, კონფლიქტში მონაწილე ექვს პირსაც წარედგინა ბრალი ძალადობის მუხლით. მცხეთის რაიონულმა სასამართლომ, ამ ექვსი პირიდან თითოეულს 2000-ლარიანი გირაო შეუფარდა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.