შეხვედრა ევლახში

ევლახში აზერბაიჯანისა და ყარაბაღის სომხური მოსახლეობის წარმომადგენელთა შეხვედრა იმართება. ამის შესახებ ინფორმაციას აზერბაიჯანული მედია ავრცელებს. ყარაბაღის სომეხთა წარმომადგენლები ევლახში რუსი „მშვიდობისმყოფელების“ თანხლებით ჩავიდნენ აზერბაიჯანის პრეზიდენტის ადმინისტრაციის წინადადებით. შეხვედრაზე აზერბაიჯანის კონსტიტუციის საფუძველზე, რეინტეგრაციის საკითხებს განიხილავენ. აზერბაიჯანული მედიის ცნობით, სომხურ მოსახლეობას შეხვედრაზე არაღიარებული მთიანი ყარაბაღის ადმინისტრაციის წარმომადგენლები დავიდ მელკუმიანი და სერგეი მარტიროსიანი წარმოადგენენ. აზერბაიჯანის მხრიდან კი მოლაპარაკებებში დეპუტატი რამინ მამედოვი მონაწილეობს, რომელიც პასუხისმგებელია ყარაბაღში მცხოვრებ სომხებთან ურთიერთობებზე. შეგახსენებთ, რომ გუშინ, აზერბაიჯანმა ყარაბაღის რეგიონში ერთი დღით ადრე დაწყებული ოპერაციის შეჩერების შესახებ განაცხადა. მანამდე არაღიარებული მთიანი ყარაბაღის ადმინისტრაციაში თქვეს, რომ „ცეცხლის შეწყვეტის შესახებ რუსი მშვიდობისმყოფელების შეთავაზებას დათანხმდნენ“. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/1stchannel.1... გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.