გომისმთაზე დაშავებულების მდგომარეობა

მეხანძრე-მაშველებმა გომის მთაზე სამაშველო ოპერაცია დაასრულეს - თოვლიდან ამოყვანილია ახალგაზრდა მამაკაცის ცხედარი. ოპერაციაში ჩართულები იყვნენ განსაკუთრებულ საქმეებზე სწრაფი რეაგირების ბაზის მეხანძრე-მაშველები და კინოლოგები. ასევე, ცხედრის ამოყვანის ოპერაციაში ჩაერთო ვერტმფრენიც. რაც შეეხება სამ გადარჩენილს, ისინი ამ დრომდე ოზურგეთის კლინიკაში რეანიმაციულ განყოფილებაში რჩებიან. ექიმების შეფასებით, მათი ზოგადი მდგომარეობა დამაკმაყოფილებელია, თუმცა ისინი ინტენსიური დაკვირვების ქვეშ რჩებიან. შემთხვევა 12 მარტს მოხდა, როდესაც 112-ში გომისმთიდან შევიდა შეტყობინება, რომ სამი მოქალაქე მეტეოროლოგიური პირობების გაუარესების გამო, გზას ვეღარ აგრძელებდა, ერთი მოქალაქე კი გაყინული იყო. ათსაათიანი სამაშველო ოპერაციის შემდეგ, მაშველებმა სამი მოქალაქის გადარჩენა შეძლეს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.