მელიას დაკავება, მოვლენათა ქრონოლოგია / საერთაშორისო საზოგადოება მელიას დაკავებას აფასებს #LIVE

• ნიკა მელიას დაკავება პოლიციის მიერ და „ნაციონალური მოძრაობის“ მთავარ ოფისთან განვითარებული მოვლენები - სასამართლოს განჩინების გადასაცემად მიცემული გონივრული ვადის ამოწურვის შემდეგ, პოლიციამ „ნაციონალური მოძრაობის“ ოფისში შესასვლელად რამდენიმე გზა გამოიყენა და მელია დააკავა, რომელიც რუსთავის მე-12 დაწესებულებაში გადაიყვანეს; შსს აცხადებს, რომ უწყებამ კანონით გათვალისწინებული პროპორციული ძალა გამოიყენა; მმართველი გუნდი კანონის უზენაესობაზე მიუთითებს, ოპოზიცია კი მასშტაბურ საპროტესტო აქციებს აანონსებს; • საქართველოში განვითარებული პროცესები საერთაშორისო დღის წესრიგში და გზავნილები დასავლეთიდან - ნიკა მელიას დაკავებასთან დაკავშირებით საერთაშორისო საზოგადოების ტონი მკაცრდება; ქვეყნის პარტნიორები მხარეებს თავშეკავებისა და დიალოგისკენ მოუწოდებენ; მთავარი სტრატეგიული პარტნიორის დიპლომატიური წარმომადგენლობა ხელისუფლების რიტორიკას აკრიტიკებს; • საპროტესტო აქცია პარლამენტთან და ოპოზიციის ლიდერთა განცხადებები - ოპოზიციური ერთობა ნიკა მელიას მხარდასაჭერად ქვეყნის პარლამენტთან იკრიბება და „ნაციონალური მოძრაობის“ თავმჯდომარის გათავისუფლებას ითხოვს; მთავარ მოთხოვნად რჩება ვადამდელი არჩევნები; ოპოზიციის ლიდერები აცხადებენ, რომ ბრძოლა უკომპრომისო იქნება; • მმართველი გუნდისა და ოპოზიციის შეხვედრები დიპლომატიური კორპუსის წარმომადგენლებთან და დიალოგის რესურსი მხარეებს შორის - ქვეყანაში განვითარებული მოვლენებით გამოწვეულ პოლიტიკურ პროცესში საქართველოში წარმოდგენილი დიპლომატიური კორპუსი ერთვება; ჯერჯერობით უცნობია, არსებობს თუ არა პოლიტიკურ აქტორებს შორის დიალოგის რესურსი და რა საკითხების გარშემო შეიძლება, შედგეს პოლიტიკური კონსენსუსი. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.