კამათი საპროცედურო საკითხთა კომიტეტზე

საპროცედურო საკითხთა და წესების კომიტეტის სხდომაზე პარლამენტის რეგლამენტის პროექტში შესატანი ცვლილებების განხილვას კამათი მოჰყვა. საკითხი სახალხო დამცველის არჩევის წესს ეხება. უმრავლესობის წევრების ინიცირებული პროექტის მიხედვით, სახალხო დამცველის შერჩევაში ცხრა წევრით დაკომპლექტებული სამუშაო ჯგუფი ერთვება. სამუშაო ჯგუფი პარლამენტის თავმჯდომარის ბრძანებით განისაზღვრება და მასში ჩართული იქნებიან სამოქალაქო საზოგადოების, მათ შორის აკადემიური და პროფესიული წრეების წარმომადგენლები. სახალხო დამცველის კანდიდატის შერჩევის პროცესის გამჭვირვალედ წარმართვას ევროკომისიის რეკომენდაციების მე-12 პუნქტი მოითხოვს. ოპოზიციას კითხვები აქვთ პროცესის გამჭვირვალობასთან დაკავშირებით, რაც დღეს კამათის მიზეზი გახდა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.