ერთი წელი ავღანეთის მმართველობაში თალიბანის დაბრუნებიდან

ერთი წელი მას შემდეგ, რაც ავღანეთზე კონტროლი თალიბანმა დაიბრუნა. ექსტრემისტული დაჯგუფება შარშან აშშ-ის ხელმძღვანელობით საერთაშორისო კოალიციური ძალების გასვლის დაანონსებისთანავე გააქტიურდა, მოგვიანებით კი ავღანელი სამთავრობო ძალების მისამართით ინტენსიურ შეტევაზე გადავიდა. ერთი წლის წინ ამ დღეს რადიკალურმა დაჯგუფებამ დედაქალაქი ქაბული დაიკავა, რასაც ქაოსი და პანიკა მოჰყვა. ადგილობრივების და უცხოელების დიდი ნაწილი აეროპორტისკენ დაიძრა. მოქალაქეები საცხოვრებელ სახლებს მასობრივად ტოვებდნენ და გარბოდნენ. ავღანელების უსაფრთხო ევაკუაცია მაშინ საერთაშორისო დღის წესრიგის მთავარ გამოწვევად იქცა. ერთი წლის თავზე ავღანეთში ეკონომიკური, ფინანსური და ჰუმანიტარული კრიზისია, მოქალაქეთა დიდი ნაწილი შიმშილის ზღვარზეა, მძიმეა ადგილობრივთა უფლებრივი მდგომარეობა, რომელიც ყველა მიმართულებით მკვეთრად გაუარესდა.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.