სალომე ზურაბიშვილის ვიზიტი

სალომე ზურაბიშვილი საფრანგეთში ვიზიტით იმყოფება. ინფორმაცია ამის შესახებ პრეზიდენტის ადმინისტრაციამ გაავრცელა. მოგვიანებით კი სოციალურ ქსელ „იქსზე“ ვოლოდიმირ ზელენსკისთან გადაღებული ფოტო გაავრცელა თავად სალომე ზურაბიშვილმაც. გავრცელდა შეხვედრის ამსახველი ვიდეო მასალაც. „გმადლობ, პრეზიდენტო ზელენსკი, ქართველი ხალხის მტკიცე და ურყევი მხარდაჭერისთვის. ჩვენი ბრძოლა დამოუკიდებლობისთვის, თავისუფლებისა და ევროპული მომავლისთვის გაიმარჯვებს – ამას ალტერნატივა არ აქვს“, – წერს ზურაბიშვილი. პრეზიდენტის ადმინისტრაციაში კი აცხადებენ, რომ საქართველოს პრეზიდენტთან შეხვედრისას უკრაინის პრეზიდენტმა ქართველ ხალხს სრული მხარდაჭერა გამოუცხადა. კიდევ ვისთან გამართავს სალომე ზურაბიშვილი შეხვედრებს ჯერ-ჯერობით უცნობია. პრეზიდენტის ამ ვიზიტს ეხმაურებიან პოლიტიკოსებიც, მმართველ გუნდში კი აცხადებენ, რომ სალომე ზურაბიშვილს ვიზიტი მთავრობასთან არც ამჯერად შეუთანხმებია და ის ისევ კონსტიტუციას არღვევს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.