ჟენევის მოლაპარაკებები


ჟენევაში მოლაპარაკების ერთ-ერთი ყველაზე რთული რაუნდისთვის ემზადებიან.

ქართული დელეგაცია უკვე შვეიცარიაშია და საერთაშორისო თანათავმჯდომარეებთან ერთად, ხვალინდელ დღის წესრიგს ათანხმებს. მთავარი საკითხი, რომელსაც ოფიციალური თბილისი დააყენებს, ენგურის ხიდის ჩაკეტვაა, რამაც ადგილობრივებს სერიოზული პრობლემა შეუქმნა. დიდი ალბათობით, საუბარი იქნება 20-21 ივნისის მოვლენების შემდეგ რუსეთის პრეზიდენტის მიერ დაანონსებულ შეზღუდვებზე. მხარეები არ უარყოფენ, რომ შექმნილი მძიმე ფონის გათვალისწინებით, შეხვედრა დაძაბული იქნება.

ჟენევაშია რუსეთის პირველი დიპლომატის მოადგილე, რომელსაც „მოამბის“ ჟურნალისტმა კითხვა სწორედ ვლადიმერ პუტინის მიერ დაგეგმილ შეზღუდვებზე დაუსვა.

ქართული დელეგაცია ხვალინდელ რაუნდზე კიდევ ერთხელ მოითხოვს გალის შეხვედრების ფორმატის აღდგენას. განსახილველი საკითხების ჩამონათვალშია, გალში მდებარე რუსულ სამხედრო ბაზაზე, ირაკლი კვარაცხელიას ბუნდოვანებით მოცული გარდაცვალების საქმეც. 

სალომე ქოქიაშვილი ჟენევიდან.

ეწვიეთ ჩვენს საიტს - https://1tv.ge/
მოიწონეთ ჩვენი გვერდი - https://www.facebook.com/pg/1stchannel/
გამოიწერეთ ჩვენი არხი -    / georgianpb  
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.

ვიდეოები „პირველი არხი Georgian Public Broadcaster"-ისგან