საქართველოს ტექბოლის ფედერაციამ პრეზენტაცია გამართა

საქართველოს ტექბოლის ფედერაციამ 35-ე საფეხბურთო სკოლაში პრეზენტაცია გამართა. ტექბოლი ფეხბურთზე დაფუძნებული სპორტის ახალი მიმდინარეობაა, რომლის სათამაშოდ საჭიროა სპეციალური მაგიდა და ბურთი. ეს თამაში ხელს უწყობს ახალი ტექნიკური უნარების შეძენას. საქართველოს ტექბოლის ფედერაციის დამფუძნებლები არიან რევაზ და არჩილ არველაძეები, დიმიტრი ბოკერია, ნიკა ჩხეიძე. მათ ტექბოლის საკლუბო განვითარების პროგრამა წარადგინეს. პრეზენტაციის დასრულებისთანავე კი გაიმართა ტურნირი წყვილებში, სადაც საქართველოს ეროვნული ნაკრების ყოფილი თავდამსხმელი, დავით თარგამაძე მონაწილეობდა. ფედერაციის დამფუძნებლებმა ტექბოლის მაგიდები საფეხბურთო გუნდების წარმომადგენლებს გადასცეს, რომლებმაც ჩემპიონატში მონაწილეობის სურვილი გამოთქვეს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.