ვაქცინაციის პროცესი მცხეთა-მთიანეთის იმუნიზაციის ცენტრში

მოქალაქეთა ვაქცინაციის პროცესი მიმდინარეობს მცხეთა-მთიანეთის ახლადგახსნილ მასობრივი იმუნიზაციის ცენტრში, სადაც აცრა წინასწარი რეგისტრაციის გარეშე არის შესაძლებელი. ამცრელ პუნქტამდე სოფლებიდან მოქალაქეთა უფასო ტრანსპორტირება ხდება. „ფაიზერის“ ვაქცინით უკვე აიცრა წეროვანში მცხოვრები 30-მდე იძულებით გადაადგილებული პირი, რომელთა ტრანსპორტირებაც ასევე მცხეთის მუნიციპალიტეტის მერიამ უზრუნველყო. ამ ეტაპზე მოქალაქეებს მცხეთის სამედიცინო ცენტრის ხუთი ამცრელი ბრიგადა ემსახურება. სამედიცინო პერსონალთან ერთად, ვაქცინაციის პროცესში სხვადასხვა მიმართულებით ჩართულები არიან საქართველოს წითელი ჯვრის საზოგადოების მოხალისეებიც. მცხეთის მასობრივი იმუნიზაციის ცენტრი მოქალაქეებს ორშაბათიდან პარასკევის ჩათვლით მოემსახურება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.