საოკუპაციო რეჟიმის მიერ გატაცებულების მხარდასაჭერი აქცია

საოკუპაციო რეჟიმის მიერ გატაცებულების მხარდასაჭერად აქცია გაიმართა საგარეო საქმეთა სამინისტროსთან. უწყებასთან ზაზა გახელაძის მეუღლე, შვილები და მამა იმყოფებოდნენ. სოლიდარობას უცხადებს დაკავებულებს ექიმი ვაჟა გაფრინდაშვილი, რომელიც უკანონო პატიმრობაში 48 დღის განმავლობაში იმყოფებოდა. სამინისტროსთან მივიდნენ სამოქალაქო აქტივისტები. შეკრებილებმა მთავრობისაგან ქმედითი ნაბიჯების გადადგმა და საერთაშორისო ორგანიზაციების მეტი ჩართულობის ორგანიზება მოითხოვეს. მოგვიანებით, აქციის მონაწილეებმა ჩიტაძის ქუჩიდან მსვლელობით დედაქალაქის საკრებულოსთან გადაინაცვლეს. ხვალიდან კი ხელმოწერების შეგროვება იწყება. პეტიცია  დიპლომატიურ უწყებებს გადაეგზავნება. ამასთან, მომდევნო აქციაც დაანონსდა. მხარდამჭერი გამოსვლა ეღთ კვირაში, სხვილოს ციხესთან იგეგმება.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.