მსჯავრდებული სააკაშვილი გორის სამხედრო ჰოსპიტალში

მიხეილ სააკაშვილი გორის ჰოსპიტალში რჩება. გუშინდელი ინციდენტის შემდეგ იუსტიციის სამინისტრო ექს-პრეზიდენტის რუსთავის ციხეში გადაყვანას გადავადებულად აცხადებს. სასჯელაღსრულების დაწესებულებაში დაბრუნების თარიღი ჯერ არ კონკრეტდება. თუმცა, ციხეში გადასვლის შემთხვევაში ყოფილი პრეზიდენტი კვლავ შიმშილობის დაწყებით იმუქრება. მისი ჯანმრთელობის მდგომარეობის შესახებ ისევ ურთიერთგამომრიცხავი განცხადებები კეთდება. მაშინ როცა ბრეგაძის უწყება სააკაშვილს გამოჯანმრეთელებულად, შიმშილობის შემდგომ მკურნალობას კი დასრულებულად მიიჩნევს, მდგომარეობას უმძიმესად აფასებენ ადვოკატები, პირადი ექიმი და თანაგუნდელები, რომლებიც სარეაბილიტაციოდ ექს-პრეზიდენტის უცხოეთში წაყვანას მოითხოვენ. თავდასხმის სამიზნე ხდება ჰოსპიტლის ის ექიმიც, რომელმაც გუშინ მიხეილ სააკაშვილის გაწერას ხელი მოაწერა. თავად ნინო გოგორიშვილი ექს-პრეზიდენტის ადვოკატს ზეწოლასა და დისკრედიტაციაში სდებს ბრალს.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.