ევროკავშირი-საქართველო - ასოცირების შესრულების საბჭოს სხდომა

გზავნილები ბრიუსელიდან, რომელსაც ქართული პოლიტიკური სპექტრი და საზოგადოება განსაკუთრებული ინტერესით ელოდა. პარლამენტის ბოიკოტირება გამოსავალი არ არის, საჭიროა კომპრომისი და ხალხის ინტერესების პირველ ადგილზე დაყენება, - ასეთია ევროკავშირის უმაღლესი წარმომადგენლის, ჟოზეფ ბორელის მოწოდება. საქართველო-ევროკავშირის ასოცირების საბჭოს სხდომის შემდეგ რამდენიმე მნიშვნელოვანი აქცენტი გაკეთდა. ოპოზიციის მთავარ მოთხოვნაზე, ანუ ვადამდელ არჩევნებზე კითხვის პასუხად ევროკომისიის ვიცე-პრეზიდენტმა ეუთო-ოდირის დასკვნა მოიშველია. ბორელის მხრიდან იყო ხაზგასმა დამოუკიდებელი სასამართლოს მნიშვნელობაზე და სასამართლო რეფორმის ვალდებულებებზეც. კონსტრუქციული დიალოგი და კონსტიტუციასთან შესაბამისი გამოსავალი, - ასეთია ევროკომისარ ოლივერ ვარჰეის გზავნილი. საქართველოს პრემიერმა კი ევროპულ საბჭოსა და ევროკომისიაში გამართული შეხვედრების შემდეგ თქვა, რომ მომავალი საპარლამენტო არჩევნები 2024 წელს ჩატარდება.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.