„წიგნი და მუსიკა“ - ქართული წიგნის ფესტივალი

22.04.2016 02:21

culturegovge culturegovge

არხი

21 აპრილს, თბილისის „ივენთ ჰოლში“ ქართული წიგნის ფესტივალი „წიგნი და მუსიკა“ გაიხსნა. ღონისძიებას საქართველოს კულტურისა და ძეგლთა დაცვის მინისტრის მოადგილე მანანა ბერიკაშვილი, თბილისის მერიის კულტურის საქალაქო სამსახურის უფროსი ია მაქაცარია, ფესტივალის დამფუძნებლები გია ქარჩხაძე და თინათინ მამულაშვილი დაესწრნენ. 21 აპრილიდან 24 აპრილის ჩათვლით, საქართველოს კულტურისა და ძეგლთა დაცვის სამინისტროს, თბილისის მერიის მხარდაჭერითა და „ქართული წიგნის ინსტიტუტის“ ორგანიზებით, ფილარმონიაში ქართული წიგნის ფესტივალი „წიგნი და მუსიკა“ ჩატარდება. 4 დღის განმავლობაში, ფესტივალის სტუმრებს შესაძლებლობა ექნებათ შეიძინონ წიგნები დიდი ფასდაკლებით, დაესწრონ წიგნების პრეზენტაციებს და მოისმინონ ცოცხალი მუსიკა. ფესტივალი, რომელიც მეორედ ტარდება, წიგნისა და საავტორო უფლებების დაცვის საერთაშორისო დღეს ეძღვნება. http://culture.gov.ge/

გაზიარება: