მავთულხლართების უკანონო მონტაჟი ატოცში

სოფელ ატოცში, საოკუპაციო ხაზთან სამუშაოები ცოტა ხნის წინ შეწყდა. ინფორმაციას ამის შესახებ სახელმწიფო მინისტრის აპარატი ადასტურებს. ოკუპანტები რკინის ბოძებზე ღობეებს დილიდან ამონტაჟებდნენ. შემოღობილია გარკვეული ტერიტორია. უსაფრთხოებიდან გამომდინარე, ჟურნალისტებს ატოცში შესვლის შესაძლებლობა არ ეძლევათ, ამიტომ „მოამბის“ ჟურნალისტი ადგილიდან რამდენიმე კილომეტრის მოშორებით იმყოფება. სოფელ ატოცში არსებულ ვითარებას საქართველოს საგარეო უწყება ეხმაურება. სამინისტროს განცხადებაში აღნიშნულია, რომ საოკუპაციო ძალების აღნიშნული ქმედება წარმოადგენს მიზანმიმართულ პროვოკაციას, რაც მიზნად ისახავს ქვეყანაში ვითარების დესტაბილიზაციას. საგარეო საქმეთა სამინისტრო მოუწოდებს რუსეთის ფედერაციას, დაუყოვნებლივ შეწყვიტოს დესტრუქციული მოქმედებები, უზრუნველყოს ადგილობრივი მოსახლეობის თავისუფალი გადაადგილება და შეასრულოს ნაკისრი საერთაშორისო ვალდებულებები. საგარეო საქმეთა სამინისტრომ სოფელ ატოცში განვითარებული მოვლენების შესახებ საქმის კურსში ჩააყენა საერთაშორისო პარტნიორები. შედგა სატელეფონო ზარი ჟენევის საერთაშორისო მოლაპარაკებების თანათავმჯდომარეებთან. ინფორმირებულია ასევე ევროკავშირის სადამკვირვებლო მისია, გააქტიურებულია ცხელი ხაზი. ნინო ფისაძე ახლა პირდაპირ ეთერში გვიერთდება, რა ვითარებაა ადგილზე. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.