კანქვეშა კონტრაცეპტივის ჩადგმა

მათთვის ვისაც აინტერესებს კანქვეშა კონტრაცეპტივის ჩადგმის მანიპულაცია. ჩადგმა ხდება მკლავში - ზედა მხარში, პროცედურა 10-15 წუთი გრძელდება, ადგილობრივი ანესთეზიის ქვეშ. ამ შემთხვევაში კონტრაცეპტივის კაფსულა შეიცავს 68 მგ ჰორმონ ლევონოლგესტროლს. პირველად ასეთი კონტრაცეპტივი გამოყენებულ იქნა 1998 წელს, ხოლო 2006 წლიდან მისი მოხმარება დაიწყეს ამერიკაში FDA-ის (The US Food and Drug Administration) რეკომენდაციით. მსოფლიოში 6 მილიონზე მეტი ქალი იყენებს იმპლანტით კონტრაცეპციას. ამ მეთოდის დაცვის ეფექტიანობა 99%-ია, ხოლო მოქმედების ხანგრძლივობა 3-5 წელია (გააჩნია კონკრეტულ პრეპარატს). მისი გამოყენება რეპროდუქციული ასაკის თითქმის ყველა ქალს შეუძლია, მათ შორის მეძუძურ დედებსაც, მშობიარობიდან 6 კვირის შემდეგ. გამომრიცხავი გარემოებებია ონკოლოგია, წარმონაქმნები ძუძუში, სისხლძარღვების დიაგნოსტირებული პათოლოგია. იმპლანტსაც შეიძლება ჰქონდეს გვერდითი ეფექტები, მაგალითად გახანგრძლივებული სისხლიანი გამონადენი რა შემთხვევაშიც რეკომენდირებულია ამოღება (დემონტაჟი) და სხვა ალტერნატიული კონტრაცეპტივის შეთავაზება. #კონტრაცეპტივი