ომი უკრაინაში - 256-ე დღე

რუსეთის საოკუპაციო ძალების მიერ ზაპოროჟიეს დაბომბვას მსხვერპლი მოჰყვა. უკრაინული მედიის ინფორმაციით, რუსმა სამხედროებმა იერიში საცხოვრებელ რაიონზე მიიტანეს. დაბომბვის შედეგად დანგრეულია კომერციული საწარმოს ორსართულიანი შენობა. უკრაინის გენშტაბის ინფორმაციით, რუსეთის საოკუპაციო ძალები უკრაინელი სამხედროების პოზიციებს ოთხ ოლქში დაესხნენ თავს. უკრაინის არმიამ მოწინააღმდეგის შეტევა ხარკოვის, ლუგანსკის, დონეცკის და ზაპოროჟიეს ოლქებში მოიგერია. გასული დღის განმავლობაში, უკრაინის შეიარაღებულმა ძალებმა რუსეთის არმიის სამეთაურო პუნქტი, ცოცხალი ძალის კონცენტრაციის შვიდი ზონა, საბრძოლო მასალის საცავი და ოკუპანტების სამი სამხედრო ობიექტი დაბომბა. უკრაინის თავდაცვის ძალების ავიაციამ რუსეთის არმიის წინააღმდეგ შვიდი იერიში განახორციელა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.