სპექტაკლი, თამარ ბართაიას პიესის მიხედვით

ხელოვნების საერთაშორისო ფესტივალი "მემკვიდრეობა" გრძელდება. ფესტივალის ფარგლებში, ხულოს დრამატული თეატრის სცენაზე თბილისის "თავისუფალი თეატრის" მსახიობებმა სპექტაკლი "სათამაშო პისტოლეტი" წარადგინეს. სპექტაკლი, თამარ ბართაიას პიესის მიხედვით, რეჟისორმა გიორგი შალუტაშვილმა დადგა. მასში ორი გმირის ცხოვრება, ქვეყნის უახლოესი წარსული და მათი უხილავი სიყვარულის ისტორიაა ასახული. სპექტაკლში მხოლოდ ორი მსახიობი - ანა ალადაშვილი და გიორგი აბაშიძე თამაშობს. ღონისძიებას, ადგილობრივ მაყურებელთან ერთად, ფესტივალის ორგანიზატორები და უცხოელი სტუმრებიც ესწრებოდნენ. ხელოვნების საერთაშორისო ფესტივალი "მემკვიდრეობა" 27 მაისს პიაცას მოედანზე საზეიმოდ დაიხურება. ფესტივალი ხელოვნებისა და კულტურის განვითარების ფონდის "წმინდა ანდრიას ჯვრისა" და აჭარის კულტურისა და სპორტის სამინსიტროს მხარდაჭერით ხორციელდება. Facebook: http://www.facebook.com/fundstandrews... Web-page: http://www.fsac.ge/ E-mail: [email protected]