ვენეციის საერთაშორისო კინოფესტივალი გაიხსნა

ვენეციის საერთაშორისო კინოფესტივალი გაიხსნა. უძველეს ფესტივალს კუნძული ლიდო მასპინძლობს. რიგით 75-ე ფესტივალი ოსკარის მფლობელი რეჟისორის, დემიენ შაზელის ფილმის  First Man ჩვენებით გაიხსნა. სურათის პრემიერას ფილმის შემოქმედებითი ჯგუფის წევრები ესწრებოდნენ, მათ შორის იყო ჰოლივუდის ვარსკვლავი რაიან გოსლინგი. დემიენ შაზელისთვის ეს მეორე შემთხვევაა, როდესაც მისი ნამუშევარი ვენეციის ფესტივალს ხნის. 2016 წელს „ლა ლა ლენდის“ პრემიერა სწორედ ფესტივალზე შედგა. საპატიო ოქროს ლომი თეატრისა და კინოს მსახიობს, ვანესა რედგრეივს გადაეცა. ლეგენდარულმა ინგლისელმა მსახიობმა ჯილდო კინემატოგრაფიაში შეტანილი წვლილისთვის დაიმსახურა. 60 წლიანი სამსახიობო კარიერის განმავლობაში ვანესა რედგრეივს 80-ზე მეტი კინოროლი აქვს შესრულებული. წელს ფესტივალის მთავარი პრიზის „ოქროს ლომის“ მოსაპოვებლად ერთმანეთისგან სრულიად განსხვავებული თემატიკის ფილმები იბრძოლებენ. მათ შორის საუკეთესოს ჟიური 8 სექტემბერს გამოავლენს. გახსნის ცერემონიაზე წარადგინეს ფესტივალის ჟიურიც, რომელსაც წელს მექსიკელი რეჟისორი გილერმო დელ ტორო ხელმძღვანელობს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchanne... გამოიწერეთ ჩვენი არხი -    / georgianpb