2017 წელი საქართველო-გერმანიის მეგობრობის წელია

2017 წელი საქართველო-გერმანიის მეგობრობის წელია. საქართველო-გერმანიის(2017) წლის კონცეფციაა "მომავლის მემკვიდრეობა" . გერმანია და საქართველო 2017 წელს ერთად აღნიშნავენ მათი ურთიერთობების მნიშვნელოვან თარიღებს: 200 წლის წინ საქართველოში პირველი გერმანელი ემიგრანტების ჩამოსვლას და საქართველოსა და გერმანიას შორის დიპლომატიური ურთიერთობების დამყარების 25 წლისთავს. 2018 წელს კი 100 წელი სრულდება გერმანიის მიერ საქართველოს პირველი რესპუბლიკის დამოუკიდებლობის აღიარებიდან. ზემოხსენებული იუბილეების აღსანიშნავად, გერმანიის საგარეო საქმეთა სამინისტროს, გოეთეს ინსტიტუტის, საქართველოს კულტურისა და ძეგლთა დაცვის სამინისტროსა და საქართველოს საგარეო საქმეთა სამინისტროს დაფინანსებითა და ორგანიზებით, 2017 წელს, როგორც საქართველოში, ისე გერმანიაში არაერთი მნიშვნელოვანი ღონისძიება ჩატადება. წლის ოფიციალური გახსნის ცერემონია საქართველოში 21 აპრილს გერმანიაში კი 26 აპრილს გაიმართება. სტუმრად საზოგადოებრივი მაუწყებლის გადაცემაში C სტუდია: ანა რიაბოშენკო - საქართველოს კულტურისა და ძეგლთა დაცვის სამინისტროს პოპულარიზაციისა და რეგიონული პროგრამების დეპარტამენტის დირექტორი; მონიკა ლენჰარდი - საქართველოში გერმანიის ფედერაციული რესპუბლიკის ელჩის მოადგილე პოლიტიკის კულტურისა და პრესის საკითხებში; ნათია მიქელაძე -ბახსოლიანი - საქართველოს გოეთეს ინსტიტუტის კულტურული პროგრამების კოორდინატორი. http://culture.gov.ge/