აქცია წალკაში

აქცია გაიმართა წალკაში. აჭარიდან ჩასახლებული ეკომიგრანტები წალკის ცენტრში შეიკრიბნენ და ხელისუფლებას კიდევ ერთხელ მოსთხოვეს არსებული პრობლემების მოგვარება. აქციის მონაწილეები ამბობენ, რომ უკვე წლებია, სტიქიის გამო აჭარიდან წალკაში ჩამოასახლეს, თუმცა მათი საცხოვრებელი სახლების პრობლემა დღემდე არ გადაწყვეტილა. ისინი ბერძნების მიერ დატოვებულ სახლებში ყოველ დღე გამოსახლების შიშით ცხოვრობენ. აქციის მონაწილეები წალკის მერს, ილია საბაძეს კორუფციულ გარიგებებში ადანაშაულებენ. მათი განცხადებით, წალკაში არსებული ჰექტრობით მიწები მხოლოდ ხუთი ადამიანის ხელშია. აქციის მონაწილეები მიმართავენ ხელისუფლებას, შეიქმნას კომისია, რომელიც ეკომიგრანტების პრობლემებს შეისწავლის. ასევე ითხოვენ შემოწმდეს ტენდერების საკითხი. „მოამბე“ წალკის მერს, ილია საბაძეს დაუკავშირდა, თუმცა მან არც სატელეფონო და არც სატელევიზიო კომენტარი არ ისურვა.    • აქცია წალკაში   ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.