რატომ ავიცრები - თინათინ სამყურაშვილი

ჯეპრას უფროსი კონსულტანტი, თინათინ სამყურაშვილი უერთდება ვაქცინაციის პროცესის მიმართ ნდობის ამაღლების კამპანიას, გვპასუხობს შეკითხვაზე „რატომ ავიცრები?“ და აცრის გაკეთების საკუთარ მოტივაციას გვიზიარებს. "მე ავიცრები რაგდან ძალიან დავიღალე იმ არასრულფასოვანი და ვირტუალური ცხოვრებით, რომელიც COVID-19-მა შეგვიქმნა. ვერასდროს წარმოვიდგენდი, რომ ვიქნებოდი ასეთი დისტანცირებული ურთიერთობებს მოკლებული, სახე დაფარული, საკუთარი თავის შიშით ვინმეს რამე არ გადავდო. მთელი ერთი ბუნდოვანი წლის განმავლობაში ვართ ვაქცინის შექმნის მოლოდინში, რადგან პანდემიის დაწყებიდან ძალიან მალევე მივხვდით, რომ ვაქცინაციის გარეშე ეს ამბავი არ დასრულდებოდა. დღეს ვაქცინა გვაქვს და შეგვიძლია დავასრულოთ COVID-19. მე ავიცრები იმისთვის, რომ აღარ ვიყო ვინმესთვის საშიში, იმისთვის, რომ დავუბრუნდეთ ნორმალური ცხოვრების რიტმს". შემოუერთდი ილიას სახელმწიფო უნივერსიტეტის კამპანიას #mywhy – გააზიარე COVID-19-ის საწინააღმდეგო აცრის გაკეთების საკუთარი მოტივაცია. #mywhy #protectedtogether #stopcovid #iliauni #vaccination