უალკოჰოლო სასმელები ძვირდება

21 დეკემბერი - რუსთავი 2 - ბიზნესკურიერი 2012 წლის 24 აპრილს, საქართველოს ფინანსთა მინისტრის №129 ბრძანების (http://goo.gl/iDI21) თანახმად, მატერიალური ან არამატერიალური ფორმით სავალდებულო მარკირებას ექვემდებარება არაალკოჰოლური სასმელები (მათ შორის , მინერალური და მტკნარი წყლები). ამასთან, შერჩეული პირის მიერ არააქციზური საქონლის სავალდებულო მარკირების ნომინალური ღირებულება განისაზღვრება არაალკოჰოლური სასმელისთვის 1000 ცალ ერთეულზე -- 5,5 ევროს ეკვივალენტი ლარებში. ელექტრონულ მარკირებას, საქართველოს სახელმწიფოსთან დადებული ექსკლუზიური ხელშეკრულების საფუძველზე, ახორციელებს შვეიცარული კომპანია SICPA, რომელსაც უხდის ამავე ხელშეკრულების მიხედვით, არაალკოჰოლური სასმელის მწარმოებელი მომსახურების საფასურს. შესაბამისად მსგავსი მომსახურებისთვის განკუთვნილი თანხები კომპანიებისათვის წელიწადში მილიონ ლარს აჭარბებს. ასევე ფაქტია რომ არცერთ დასავლურ ქვეყანაში ასეთი ტიპის მარკირების სისტემა არ არსებობს. საქონლის აქციზური მარკებით სავალდებულო ნიშანდება/სავალდებულო მარკირება განხორციელდეს 2013 წლის 1 იანვრიდან.