ზელიმხან ხანგოშვილის მკვლელობის საქმე

ზელიმხან ხანგოშვილის მკვლელობაში ეჭვმიტანილს ბრალი ოფიციალურად წაუყენეს. ამის შესახებ ინფორმაციას გერმანიის ფედერალური პროკურატურა ავრცელებს. როგორც პროკურატურის პრესსპიკერმა მარკუს შმიტმა განაცხადა, რუს მამაკაცს, საქართველოს მოქალაქე ზელიმხან ხანგოშვილის მკვლელობასა და იარაღის უკანონო ტარებაში წაუყენეს ბრალი. ბრალდებულის ვინაობას პროკურატურაში არ ამჟღავნებენ, რადგან ეს კანონით აკრძალულია. ზელიმხან ხანგოშვილი 23 აგვისტოს ბერლინის ცენტრში მოკლეს. მას ორჯერ ესროლეს. პოლიციამ დამნაშავის დაკავება მალევე შეძლო, ის 49 წლის რუსეთის მოქალაქეა. გამომძიებელი ჟურნალისტები ამტკიცებენ, რომ დაკავებული რუსეთის სპეცსამსახურებთანაა დაკავშირებული. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.