სოფლის დახმარების პროგრამა გრძელდება. პროექტის ფარგლებში თელავის მუნიციპალიტეტის სოფელ აკურის 2013 წლის ბიუჯეტის დაგეგმვის მიზნით მოსახლეობასთან შეხვედრა გაიმართა. ყრილობაზე ყველაზე დიდი ხმაური ბაგა-ბაღის, წყლისა და სანიაღვრე არხების პრობლემებს მოჰყვა. სოფლის ყველაზე პრიორიტეტულ საკითხად საბავშვო ბაღის რეაბილიტაცია დასახელდა. აკურაში სოფლის დახმარების პროგრამის განხილვას თელავის მუნიციპალიტეტის გამგეობის წარმომადგენლები ესწრებოდნენ. ზურაბ ყურაშვილის განცხადებით, სოფელს ბაღისა და სანიაღვრე არხების პრობლემა აღნიშნული პროგრამის ფარგლებში მოუგვარდება. წყლის საკითხი კი ინფრასტრუქტურის სამინისტროს მიერ შედგენილი პროგრამიდან დაფინანსდება. სოფელ აკურის ბიუჯეტი 2013 წლისთვის სოფლის დახმარების პროგრამით თითქმის 42 ათასი ლარით განისაზღვრა.
ვებ-გვერდზე გადასვლა:
http://bit.ly/16wQCGv
ვებ-გვერდზე გადასვლა:
http://bit.ly/16wQCGv
