WorldSkills Georgia

2015წ. სექტემბერს საქართველოს WorldSkills Georgia-ს ფარგლებში, გერმანიის საერთაშორისო თანამშრომლობის საზოგადოების (GIZ) მხარდაჭერით, ქვეყნის მასშტაბით პროფესიული განათლების კვირეული ჩატარდა. კვირეულის დასკვნითი ღონისძიება 22.09.2015წ. მოსწავლე-ახალგაზრდობის ეროვნული სასახლეში გაიმართა, რომელსაც საქართველოს განათლებისა და მეცნიერების მინისტრი თამარ სანიკიძე დაესწრო. ღონისძიების ფარგლებში, პროფესიული საგანმანათლებლო დაწესებულებების პროფესიულ სტუდენტთა გამოფენა, მუსიკალური წარმოდგენა და WorldSkill-ის კონკურსანტების დაჯილდოება გაიმართა. საზოგადოების ინფორმირებულობის გაზრდის მიზნით, კვირეულის განმავლობაში განათლებისა და მეცნიერების სამინისტროს, სამინისტროს განათლების ხარისხის განვითარების ეროვნული ცენტრის, GIZ-ის წარმომადგენლები და WorldSkills Georgia-ს გამარჯვებული პროფესიული სტუდენტები პროფესიული განათლების ბრენდირებული ავტობუსით, სახელმწიფო პროფესიული საგანმანათლებლო პროგრამების განმახორციელებელ დაწესებულებებს სტუმრობდნენ, ადგილობრივი თვითმმართველოსბის წარმომადგენლებთან ერთად, მოსახლეობას ხვდებოდნენ, ურიგებდნენ საინფორმაციო ბუკლეტებს პროფესიულ პროგრამებზე და მათ შეკითხვებს პასუხობდნენ. აღნიშნული კვირეულის ფარგლებში პროფესიულ სასწავლებლებში ღია კარის დღეეები იმართებოდა. ღია კარის დღეებში კოლეჯის ბაზაზე სპეციალური საგამოფენო სივრცე იყო მოწყობილი, სადაც დაწესებულებას წარმოდგენილი ჰქონდა საკუთარი სტენდი, ბუკლეტები, საგანმანათლებლო პროგრამების კატალოგი, სტუდენტების ნამუშევრები. #giz #psdtvet #dualtvet #vocationaleducation #worldskills